Bas ek hi bachpan..

Woh Bachpan to bas ek hi baar ata hai

Ungli pakad ke sadak paar karne ko, khana khane ko jab yaad dilaya jaata hai

Kapde, joote chhote ho jaate hain

Hum bade hote chale jaate hain

Jaane kiski jaldi ho jaise humen

Agle janm din manaane ki intazar mein hi saal beet jaate hain

Hum gir na jayen sochke, humen pakadke, jo dheere dheere chalte hain..

Kal wahi kadam koshish karte hue bhi badhane par ladkhadate hain

Ma Baap hum ban jaate hain

Lekin babul humaare phirse bache bante jaate hain

Ungli pakad ke sadak paar karne ko, khana khane ko ab unhen bhi yaad dilaya jaata hai..

Lekin woh bachpan to bas ek hi baar ata hai!!