Sooraj bhi nahi abhi nikalta
Par darwaze par aata
Newspaper wala,
Phir doodhwala..
Ma nahakar lunch bhi pack kardeti
Sir pe haath pherke humen jagati
“Ajao bacho” .. phir Papa ki awaz aati
Ek zamane mein wahi alarm se ankhen thi khulti
Jaldi se nahakar, nashta karne table pe aate
Saathh hi backpack band karte huay
Ma se kangi karwa lete
Papa tab tak car ka horn bajate bahar wait karte!
School ke baad shyam der tak bahar khelna
Friends ko bye bolne ko dil hi nahi karna
Homework, books ko taalne jhoothe bahane banana
Thhoda phir tv, phir dinner, aur sojana..
Achanak phir aaj jab maine aankhen kholi
Alarm phone par band karte, news online padhi
Bachon ka doodh, nashta, lunch banate, kuchh sooraj ki ayi roshni
“Ajao bacho”, ab humne awaz di..
Beti ke baal banate huay, bete ke shoes pehnaye
Car mein bache bye bolkar school ko nikal gaye
Bachon ka homework karvaya kaam se shyam ko lautke
Sath sath dinner banate huay, thhak kar phir sogaye
Kal aur aaj mein
Sabhi kuchh ek sa hi hai waise
Jaise the pehle
din, raat, shyam, subeh
Hum nahi, wakt hai jo hai badla
Ekdam se hi par jaise kuchh peechhe rehgaya
Zindagi chalti rahi, bachpan sirf beetgaya
abhi to has khel rahe the.. palak jhapakte hi, woh aaj kab kal bangaya?
-Pallavi Aneja MD
NotesOfADrMom 